ისტის გამოყენება საგაკვეთილო პროცესში

ტრენინგების დაწყების პირველივე დღიდან აქტიურად დავიწყეთ კომფიუტერებთან მუშაობა.ტრენერმა აგვიხსნა თუ რამდენად მნიშვნელოვანია ისტის გამოყენება სასწავლო პროცესში და საერთოდ ყოველდღიურ ცხოვრებაში.ვისწავლეთ გაკვეთილის გეგმის ელექტრონული ვერსიის გაკეთება,ცხრილების აგება,პრეზენტაციის მომზადება პოვერ პოინტის დოკუმენტში და მისი შენახვა დოკში, გაზიარება.ვისწავლეთ ბლოგის შექმნა და მასში პირადი ინფორმაციის განთავსება .ისტის ცოდნა მნიშვნელოვანია იმისათვის,რომ საგაკვეთილო პროცესს გავამდიდრებთ და გავამრავალფეროვნებთ ინტერნეტში მოპოვებული ინფორმაციით,შევქმნი პრეზენტაციებს და გამოვიყენებ საგაკვეთილო პროცესში.ბავშვები წახალისდებიან და თვითონაც დაიწყებენ ინტერნეტში გაკვეთილთან დაკავშირებული ინფორმაციის მოძიებას .ვისწავლეთ ვირტუალური ლაბორატორიები,რომელთა გამოყენება საინტერესოსთან ერთად საკმაოდ სახალისოცაა გაკვეთილზე. 

მოდული 1

დღე 1

გავეცანი კურსის მონაწილეებს.ტრენერმა გაგვაცნო კურსის მიზნები,შედეგები,განრიგი.ისტის გამოყებებით გაკვეთილი შეგვიძლია უფრო საინტერესო და მრავალფეროვანი  გავხადოთ

მოდული 2

დღე 2

სიღრმისეულად შევისწავლეთ გაკვეთილის დაგეგმვა

დღე 2

ისტის გამოყენება გაკვეთილის დაგეგმვის პროცესში გულისხმობს  ტექნოლოგიებით გამდიდრებულ გაკვეთილს.ინტერნეტის საშუალებით შემიძლია მოვიძიო უამრავი მასალა,რათა ჩემი გაკვეთილი უფრო საინტერესო გავხადო

 დღე 3: მნიშვნელოვანი იყო იმით,რომ გავეცანით და ვისწავლეთ სასწავლო პრეზენტაციის მომზადება MS POWER POINT-ში.ნებისმიერი პრეზენტაციის მთავარი მიზანია ინფორმაციის მიწოდება.პრეზენტაცია შედგება ორი ძირითადი კომპონენტისაგნ:1)ზეპირი და 2)ვიზუალური,ორივე კომპონენტის მომზადება და სინთეზირება სერიოზულ მზადებასა და ვარჯიშს მოითხოვს.პრეზენტაციის ძირითადი საფეხურებია:1)საპრეზენტაციო თემის დამუშავება
                         2)აუდიტორიის შესწავლა
                         3)პრეზენტაციის მიზნის განსაზღვრა და მკაფიოდ ჩამოყალიბება
                         4)გეგმის/სცენარის შემუშავება,რომელიც მოიცავს ოთხ ძირითად   ნაწილს:შესავალი,ძირითადი ნაწილი,შეჯამება და დახურვა.
                         5)ვიზუალური საშუალებების შერჩევა
                         6)სლაიდების მომზადება
                         7)რეპეტიცია
                         8)საპრეზენტაციო გარემოსა და ტექნიკური საშუალებების მომზადება
                         9)პრეზენტაციის წარმართვა
                       10)უკუკავშირის მიღება აუდიტორიიდან

 დღე 4: პრეზენტაციის წარმართვის ძირითადი პრინციპები და ხერხები:შესავალში უნდა ვუთხრათ აუდიტორიას რის თქმას ვაპირებთ,დასკვნაში მოკლედ მიმოვიხილოთ რა ვუთხარით აუდიტორიას.პრეზენტაცია საჭიროა გაკვეთილის ახსნისას,განვლილი მასალის შეჯამებისას და დავალების მიცემისას.პრეზენტაცია მოსწავლეებში ავითარებს დამოუკიდებელ  აზროვნებას,რის შედეგადაც ისინი დამოუკიდებლად ეძიებენ საჭირო ინფორმაციას და თემას ავსებენ სხვსდასხვა სურათებითა და ვიდეო მასალებით.
                      
   დღე 5 :მოცემულ დღეს გავეცანით ვირტუალურ ლაბორატორიას,რომელიც ახდენს რეალური მოვლენების იმიტაციას კომპიუტერის საშუალებით.ის ხელს უწყობს მომხმარებელს,აღიქვას და შეისწავლოს მოვლენა რეალურ გარემოში დაკვირვების გარეშე.ისეთ საგანში,როგორიცაა მათემატიკაა,ვირტუალური ლაბორატორია შეიძლება მათემატიკური ობიექტების შესასწავლად გამოვიყენოთ.ასევე გავეცანით ელექტრონულ თამაშებს,რომელსაც დღევანდელ ცხოვრებაში დიდი ადგილი უკავია სასწავლო გარემოში.
     ელექტრონული თამაშები თანამედროვე ინფორმაციული სამყაროს განუყოფელი ნაწილია.საგანმანათლებლო თამაშები ავითარებს შემეცნებით,სივრცულ და მოტორულ უნარებს და ხელს უწყობს ისტის უნარების გაუმჯობესებას.კომპიუტერული თამაშები ტექნიკურად სხვადასხვა ფორმატში შეიძლება იყოს წარმოდგენილი,კერძოდ,CD-ზე ან DVD-ზე.ბოლო დროს სულ უფრო მეტი თამაში მოიპოვება ინტერნეტში და მათ გამოსაყენებლად მხოლოდ ინტერნეტ-ბრაუზერია საჭირო.
   ასევე გავეცანით აუდიო  და ვიდეოსაშუალებების ეფექტიან გამოყენებას სასწავლო პროცესში.ხშირად ვიყენებ  შემდეგ  აუდიო და ვიდეო ტექნიკებს:კასეტის აუდიომაგნიტოფონი,CD-ფლეიერი,DVD-ფლეიერი,კომპიუტერი,პროექტორი
  დღე 6: მოცემულ დღეს გავეცანით მცირე და მრავალკომპიუტერიანი კლასის მართვას.ერთკომპიუტერიან კლასში ჩასატარებელი გაკვეთილების დროს უნდა გავითვალისწინოთ,რომ თუ ერთი კომპიუტერით ყველა მოსწავლე რიგ-რიგობით ისარგებლებს,სამუშაო დროის ხანგრძლივობა შეიძლება ძალიან დიდი აღმოჩნდეს.
      მრავალკომპიუტერიან კლასში გაკვეთილების მომზადება და ჩატარება გარკვეული თავისებურებებით გამოირჩევა,მოსწავლეები დავყოთ ჯგუფებად,გადავანაწილოთ კომპიუტერებთან და მივცეთ საშუალება შექმნან საკუთარი პროექტები და ჩაერთვნონ სხვადასხვა ღონისძიებებში.შევეცადოთ დავაკომპლექტოთ შერეული გუნდები განსხვავებული აკადემიური  და სოციალური შესაძლებლობების  მქონე მოსწავლეებისაგან.ამ დღეს შევქმენით თითოეულმა ტრენინგის მონაწილემ ჩვენი ბლოგი,რის შემდეგაც  ჩვენი გაკვეთილის გეგმები და გეგმის შესაბამისი პრეზენტაცია ავტვირთეთ   მასზე.
 დღე 7:ამ დღეს გავეცანით შეფასების ფორმებს:მიმდინარე,განმავითარებელი,განმსაზღვრელი და შემაჯამებელი.თითოეულმა ტრენინგის მონაწილემ გავაკეთეთ ჩვენი გაკვეთილის შესაბამისი შეფასებისა და მოსწავლის თვითშეფასების რუბრიკები და ავტვირთეთ ჩვენს ბლოგზე.
  დღე 8:ამ დღეს გავაგრძელეთ შეფასების ფორმების  და ინდივიდუალური გაკვეთილების(სხვადასხვა საგნებში) შეფასების რუბრიკების  ატვირთვა.ჯგუფური მუშაობის შემდეგ ჩემმა  ჯგუფმა წარმოვადგინეთ ისტის გაკვეთილის შეფასების რუბრიკა და ვიმსჯელეთ თემის ირგვლივ.
    მოდული 3
  დღე 1: მნიშვნელოვანი იყო იმით,რომ ტრენერმა გაგვაცნო სასწავლო პროექტის ორგანიზება ისტ-ის გამოყენებით და გვესაუბრა მის მნიშვნელობაზე.ტრენინგის მონაწილეები დაგვყო ორ ჯგუფად და მოგვცა დავალება შეგვექმნა თავისუფალი თემის პროექტი ისტის გამოყენებით,ორივე ჯგუფმა წარმოვადგინეთ პროექტი და გავაკეთეთ პრეზენტაცია..ვიმსჯელეთ პროექტის შესახებ შედგენის სწორ და არასწორ ფორმებზე.
 დღე 2: თითოეულმა ტრენინგის მონაწილემ ინდივიდუალურად შევქმენით პროექტი,გავაკეთეთ განმავითარებელი შეფასება და ავტვირთეთ ჩვენს ბლოგზე.
 მოდული 4
 დღე 1:ტრენერმა გაგვაცნო და გვესაუბრა მასწავლებლის პორტფოლიოზე,მის დანიშნულებაზე სლაიადშოუს გამოყენებით.პორტფოლიო არის მასწავლებლის ან მოსწავლის ნამუშევრის კრებული,ხდება პორტფოლიოს შეფასება,ასევე იგი შეიძლება შეიცავდეს მოსწავლის მიერ შესრულებულ საშინაო და საკლასო დავალებებს,ჯგუფურ პროექტების ანგარიშებს და ა.შ.
 დღე 2:  მნიშვნელოვანი იყო იმით,რომ განვიხილეთ და ვისაუბრეთ  მასწავლებლის პროფესიული განვითარების საშუალებებზე.საონფორმაციო ტექნოლოგიების გამოყენებისას სამართლებრივი და ეთიკური ნორმების დაცვა განსაკუთრებით მნიშვნელოვანია განათლების სფეროში,რადგან ეს მომავალი თაობის აღზრდასთან არის დაკავშირებული.კომპიუტერული პროგრამების გამოყენებით შესაძლებელია ნებისმიერი სამუშაოს გამარტივება და მრავალი პრობლემების გადაჭრა.ასევე მნიშვნელოვანია ის ფაქტი,რომ ინფორმაციული და  საკომუნიკაციო ტექნოლოგიების გამოყენებით არ უნდა დავარღვიოთ ადამიანის უფლებები,უნდა დავიცვათ საავტორო უფლებები.ვისწავლეთ ჩვენს ბლოგზე google კალენდრის გამოყენება,რომელიც საშუალებას გვაძლევს გავაკეთოთ და დავათვალიეროთ ჩანაწერები კვირის ან თვეების მიხედვით.